【查經筆記】射落地都唔益你呀(創卅八)

初讀創38,首先會被吸引到既大概係9節「俄南 知道生子不歸自己,所以同房的時候便遺在地,免得給他哥哥留後。」完美體現到所謂射落海都唔益你,可惜,耶和華唔歡喜俄南所做既野,下一節俄南就已經唔存在了。

咁有性格既俄南會被上帝看為惡,相信同當時既習慣有關。雖然咁早既年代尚未有律法規管,但如果兄長死左,細佬為左血脈既緣故要接收兄長留落黎既妻子,擔當種馬既角色。俄南射落地就係背叛左佢兄長、遺孀同全個家族既期望,免費上人地個老婆食霸王餐。

你以為俄南好衰咩?未算。真正既衰人其實係俄南之父,猶大。

如果冇資料輔助的話猶大可能只係個雞蟲,但猶大衰既可能更多。

當俄南「走火」被殺之時,猶大既小兒子示拉仲細,雖然示拉身負延續血脈既任務,但叫個無子彈既士兵上戰場又有何用呢,於是猶大就叫她瑪返父家等示拉長大,但由14節果到睇到示拉長大之後冇娶她瑪為妻,好可能係11節猶大所諗既,「死啦條女劏豬櫈黎喎」而令示拉同她瑪既婚事咁成事。依樣係第一樣衰野。因為她瑪唔翻猶大既家族都唔會再有人要,而且佢亦冇令血脈延續落去。

經文描寫猶大喪偶之後,得了安慰(可能佢娶左隻老虎乸),之後去工作既途中見到妓女,就幫襯了。雖然她瑪蒙左面,但猶大未免太饑渴,熄左燈咩都得。講翻正經,果個時期既人召妓並唔係為左滿足性需要。以前既妓女多為廟妓,而與廟妓交歡既過程係拜生育之神既行為,所以猶大應該係為佢既小兒子既血脈想去祈個福,點知佢支「籤」直接為佢帶黎自己想要既野。當你細心一諗你會發現,喂其實佢唔係拜緊耶和華係拜緊其他神架喎,衰多幾錢重。

最後既人物她瑪,由佢既行動你可以睇到佢清楚知到自己應做之事,而佢扮妓女收既錢包裡認到猶大既野就知佢係計劃過而唔係想做雞咁啱比猶大上左。抵猶大話她瑪比自己有義。

只睇依段經文其實只係交代家譜既由來,而睇埋下一章只會顯出猶大既差與約瑟既好。但再睇埋創49,猶大得到既祝福係非常猛料,咁又係點呢?俄南只係射落地就要死,猶大拜別的神都得到祝福。

經文想講既可能係由頭到尾神既喜好係最重要。

文:JJ

【講道筆記】罪(無)可恕——創二、三

《創世記》二、三章乃一個完整的故事。用結構分析,略得結構如下:

A 神將人安放在伊甸園(2:4-15)
B 神為人安排生活(4:16-25)
C 人犯罪(3:1-7)
B’ 神再為人安排生活(3:8-21)
A’ 神將人逐出伊甸園(3:22-24)

在進一步討論經文之前,我們先考慮身處的年代。我們是吃後現代主義所產生出來的「道德相對主義」的果。人們常以「觀點與角度」或者「包容文化不同」來把道德界線抹去。

同時,基督徒卻常誤傳一個錯誤信息——「信了耶穌,一切罪都被消除」。即使心水清的信徒知道這是錯,但這種「信耶穌=洗底」的誤解已深入民心。

在這種時代氛圍下,始祖墮落的信息顯得重要。第一,這重新告訴我們,人有罪性而人類無一幸免地有罪。直觀自己的罪性、罪惡,比用種種藉口迴避來得好。No one is normal, dear.

人犯罪帶來審判,審判的後果,可分為「可逆轉」和「不可逆轉」的部份。被逐出伊甸園就是不可逆轉的後果。但是,神卻有為他們往後的生活重新安排。我們常會視 3:8-21 為神對蛇、男人、女人的審判,的確是,但換個角度看,神在人類犯罪以後,神幫他們重新整理新世界的生活方式,這是恩典,是神在犯罪後依然繼續願意幫助人的明證。

這「(不)可逆轉」的框架對我們的人生的啟示是,罪我們一定會犯,但請謹記犯罪的後果,即使我們盡力改過、努力,但罪也會留下不能磨搣的後果。所以我們不要自欺,以為有恩典就可以 100% 還原。恩典是我們犯罪過後仍然能得到神的幫助,但不是消去這件事。

你會問「那不是很悲觀?」對,就是這樣。直視罪的影響,是黑白不分世代的一服苦口良藥。