【查經筆記】可拉黨--一個辦公室悲劇

可拉黨叛變的背景

按經文的編排,以色列人剛經歷了大事:探子入迦南失敗,然後神宣佈他們要流落曠野四十年。我們的假設是他們(當代人)面對餘生要留在曠野,死在曠野。之後,他們試過去打迦南,但係失敗。我們假設,可拉一黨和以色列人都在一種很絕望,想要發脾氣的狀態。

於是,可拉提出對摩西的質疑。

可拉:「你們擅自專權!全會眾個個既是聖潔,耶和華也在他們中間,你們為甚麼自高,超過耶和華的會眾呢?」

他們想要的,不是由神權政治轉變為民主。他們想要的,是拉下摩西,然後取而代之。我們用脫北者的情景理解那時代背景:

以色列人係一班脫北者,他們要經中國(鴨綠江)然後去美國。摩西就係蛇頭。過咗鴨綠江之後,班脫北者偷偷地睇到美國嘅電視節目,睇到喪屍、蝙蝠俠、綠色巨人、同埋Baywatch的大隻救生員,他們認為係無可能打得贏美國人。然而,有兩個探子話「驚咩呀?電視嚟架咋!」但係,班脫北者都係唔信,好驚,好想返北韓。於是,美國領事就話:「唉,佢哋都係唔ready去美國。佢哋都係留返喺中國四十年啦。」

佢哋唔想喺中國坐四十年,於是班脫北者仗著一身虎膽,希望嘗試進入領事館,但係都係失敗。結果,脫北者之中有人發起反對蛇頭的計劃。long story short,佢哋失敗,早咗返去見金日成。

如果你唔明,我再用辦公室的比喻講。

公司有老闆,老闆有秘書。公司有一大班同事。有一日,班同事話:我哋個個都打老細工,點解你就做秘書同老細直接溝通,我哋就要聽你支笛。老細一定到話佢哋成班都話要做秘書,就火滾。「我要用秘書,就係要避免同你哋逐個溝通吖嘛!」然後,老闆力撐秘書,炒哂班友。

故事的教訓係,如果個秘書無害過你,你無需要反佢丫。

 

發表迴響

你的電子郵件位址並不會被公開。 必要欄位標記為 *

這個網站採用 Akismet 服務減少垃圾留言。進一步瞭解 Akismet 如何處理網站訪客的留言資料